Ses occitanista… o pas !

Apren la vertat sus ton engatjament dins la defensa de la lenga d’òc ! T’en fotes ? Tu po’es zo far tot parier !

Una calandreta es :
a) Una escòla occitana, gratuita e laïca
b) Una escòla tenguda per daus lengadocians que pervertissen los mainatges d’Òc en lor aprener l’occitan (‘na lenga inventada per l’envasidor lengadocian) per lor far perdre lo parlar vertadier de lor país (o pièger… pareis qu’aprenen l’arabe maitot…)
c) Un auseu

Claudi Sicre es :
a) lo creador geniau daus repais de quartier mai dau Forom de las lengas dau Monde que contunha l’òbra de Castan.
b) un intelectuau parisenco-tolosan cagant que parla quitament pas l’occitan
c) Claudi qui ?

Contunha la frasa : Anem, òc …
a) … per la lenga occitana !
b) … tóuti en Arle !
c) … anem beure un còp !

Original Occitana es :
a) un grope geniau, de las dròllas fòrça bravas, un CD de ‘chaptar
b) un karaoké gigant per animar la festa de ton vilatge
c) una marca de perfum ?

A la fin dau mes de Julhet, vas a Rodés per :
a) l’Estivada, ‘queu geniau festenau ente tornaràs trobar tos amics au campatge municipau
b) defendre la Guiena contra l’envasion occitano-lengadociana
c) veire los grands de ton nòvi

Lo rugbi de XIII es :
a) l’arma esportiva d’Occitània
b) un espòrt vengut de la perfida Albion
c) l’ocasion de veire daus braves dròlles

Lo vin es :
a) un aliment
b) l’arma de la França eternela
c) lo mestier de ton pair

Lo Felibritge es :
a) un club de vielhs que fan daus poemas en grafia mistralenca
b) l’òbra de Mistral e la prueva de las diferéncias entre las lengas d’òc
c) un juec de cartas ?

Macarel es :
a) una marca de chamisons tan braves coma originaus : t’as totas las colleccions (mai lo famós string a la crotz occitana) !
b) daus chamisons v-òrres clafits d’eslogans occitanistas
c) una insulta !

Alhòli !
a) Zo credas dins lo concert d’Original Occitana quand t’as tròp begut de pastis
b) Es l’arma de la Provença
c) Es ‘na sauça

Fai-nos saubre qual occitanista tu ses en escriure si t’as ‘gut un majoritat de a, b o c. Publicarem los perfils la setmana que ven ! Te’n fajas pas, ne’n i aurà per tot lo monde…

Advertisements

About Franc Fadard

Chap-redactor autoproclamat dau jornau occitan La Criiisi.
This entry was posted in Test colhon. Bookmark the permalink.

4 Responses to Ses occitanista… o pas !

  1. Maime ditz :

    4 a, 2 b e 3 c… Veirem ben !!! 😀

  2. Mathieu Castel ditz :

    Una calandreta es :
    a) Una escòla occitana, gratuita e laïca

    Claudi Sicre es :
    a) lo creador geniau daus repais de quartier mai dau Forom de las lengas
    dau Monde que contunha l’òbra de Castan.

    Contunha la frasa : Anem, òc …
    a) … per la lenga occitana !

    Original Occitana es :

    b) un karaoké gigant per animar la festa de ton vilatge

    A la fin dau mes de Julhet, vas a Rodés per :
    a) l’Estivada, ‘queu geniau festenau ente tornaràs trobar tos amics au
    campatge municipau

    Lo rugbi de XIII es :

    b) un espòrt vengut de la perfida Albion

    Lo vin es :

    b) l’arma de la França eternela

    Lo Felibritge es :
    a) un club de vielhs que fan daus poemas en grafia mistralenca

    Macarel es :

    c) una insulta !

    Alhòli !

    c) Es ‘na sauça

  3. Òmi de la Situacion ditz :

    4a, 3b e 3c… Vòli precisir que soi pas jamei anat véder de partida de XIII, mes confessi que mei d’un còp soi anat véder lo VII feminin a la fac, sonque entà véder las dròllas…

  4. Tòni Galhard ditz :

    E son polidas las dròllas del rugbi?

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Cambiar )

Google+ photo

You are commenting using your Google+ account. Log Out /  Cambiar )

Twitter picture

You are commenting using your Twitter account. Log Out /  Cambiar )

Facebook photo

You are commenting using your Facebook account. Log Out /  Cambiar )

Connecting to %s